Macha L.Chatô Sermon 2 - VIASA PANO HNOTA ZISU ALUAHNA

Sermon 2  (Mara Reih Sermon)

VIASA PANO HNOTA ZISU ALUAHNA

- Macha L.Chatô, Iana

            Thlâ tawhta Zisu a thyu heihno khata ahyhmata hmô theilei awpata a nyu lei pata, apachupazy hnota nata ano avâtuhpa zy hnota a luahta, athyu heih tlai tahpa â pahnosa ei. Apôhpa hronohna kha ta a thyuheih awpa thati zy rei tyh hrasala a pachupa zy chhaota zo khai tyh thlyu vei ei tahtheipa ama cha.
            Zisu a thyuheih nona chata Zerusale tawhta Kleopa nata a viasa cha zâlâ no nai rah sâlâ ta Emau khih pangai awpata sie ei ta, nohrohawhpa liata cha mawsala zawpakhô ku a pai, ama khih lâ ama sie no liata cha, ama tha paw kaw awta, chahrasala, aly tiara vei ei. Zerusale liata Zisu ama khaipâpa zy a ma pacha nata ama palô pasa ngaita ta cha notlai chata Zisu cha ama hnota a vaw pahlao ta. Ama hnota, "Khapa bie ma nama rei?" tahpata vaw hiahri ei ta, Amo chata Nazaret Zisu Khazohpa nata chyhsa zydua mo hmôta a bie liata nata ahmo taopa liata hrosopa mo patha  ngaitapa thati" tahpata a chhy ei ta Kleopa nata a viasa pa ta Zisu thati a ma rei zie he a nathlie pha ngasa hata Hrosopa zy ta cha, a palâ ngasa pata bie dopa amaphua tyh. Chahawhta Nazaret Zisu chhao a bie reipa nata ahmotaopa liata â ala pata a tao ty hra. Zisu bie cha a py tlah chata a hmo taopa zy chhao a py tlâh a cha hra,  rei pasi pasua awpa y vei. Eima bie nata hmotaopa liata Nazari Zisu hawhta ngâ tlâh eima cha hra ma?
            Kleopa nata a viasa pa kha hmohropa rai rai pa châ thei vei ei. Zisu ama khaipâ na thati nata ama hnota avaw luahta a thyu heitlaitahpa ama vaw hmô pasia pa cha a ma khih lâ chhao sie khao leipa ei ta Zerusale khih a maw siesai hapa lâ cha kua pakhua lyma ei ta ama viasa zy hnota ama kei chho hei, a ma ly hmeisei. Keimo zaw a mo hawhta Zisu a thyuheih pa he eima ly hra ma? a thyuheihna thatipha he eima heih manôh zy hnota eima chho hra ma? Keimo la eima hmôpa nata eima theipa cha reileithei mapi, ryureitu pa zyta Pity nata a viasa zy hnota Zisu a thyuheihna thati a reikhaolei awpata ama tahnona khata a ma chhyna a cha hra khaw (Hmt. 4:20) Keimo zaw atahma nona he ta khapa thati zy e eima paha khei chai? eima pahâ khei chaipa kha eima ryu a cha lyma, eima ryu yna mai liata eima pathi palô chhao y tyh tlôla, eima ryu Krista kyhpachana thatipha a cha pa mai liata a vaw lua ba ma?
            Zisu ta, Ahyrai ei biepiepa zy hneita a zypa cha kyh napa cha tuhpa chata ahyrai kyh napa cha pa cha ei pawta kyh pa cha awta keima chhaota a no cha kyh pacha aw nata a hnota eima lua hra aw (Zawhana 14:21) a tah. Eima bie pichaipa cha Krista eima chata a thina nata a thyu heihna bie he eima bie pi chaipa chahrase.

ABeipa ta abie byhna pie maw sy.