Marasaw

PRESS RELEASE No.21/2022 SIAHA, 24 Hmypi, 2022, Pobiehnoh - Atanoh dawh 12:00 Noon khata Forest Hall, MADC Complex, Siaha liata Kô 2022-2023 châta Mizoram State Health Care Society (MSHCS) ry liata Mizoram State Health Care Scheme liata registration tao khohpazy châta moh arohpangia theina chôchâh reina programme a hmâhpa a châ. Programme he Puhpa K.Chhihrau, Executive Secretary, MADC ta chhihtha ta, Dr. K. Vanduhtlinga (Pu Vantea), Medical Officer M.O. Mizoram State Health Care Society, Pu Vanlalnunsanga Bawitlung, Co-ordinator, MSHCS nata Pihnô S. Lalmuanpuii, DS&CA, MADC zy ta Health Care peimawhzie nata pasyuna bie pha kawpa reina ama hnei. Kô 2022 April tawhta March 2023 chhôh châta sawhkhâ ry liata thohna amohôhna a bill thei leipazy châta ama bill thei hra n'awpa ta Mizoram State Health Care Society chata February noh 21, 2022 tawhta May noh 16, 2022 taita Health Care Scheme ry liata arohpangiana (registration) tao theina daihti pahy ta, eima yna suh ahnia chaipa Sub-Cen

PRESS RELEASE No.19/2022 SIAHA, 23 Hmypi, 2022, Pakhyhnoh - Târi 19.02.2022 to 22.02.2022 chhôh ta Puhpa K. Chhuabei, EM (i/c PWD, I&PD, IT Wing) MADC ta a bia khi nano nanozy tly laih ta,  Public meeting a hnei lymâ hra. Public meeting lia heta pasyuna bie pha kawpa reina a hnei lymâ. Khito liata public meeting a hnei khai tawta eima unawhnah Myanmar Refugees-zy rairuna amâ tyhpazy mokhei awpa nata thlahpalôh awpa ta a tly laih hra. He refugees nah a tly laihna lia heta biereina hnei ta, Myanmar râh buana he chârâta pai awpa pangiasa â chhih lei zie nata amâ vaw râ ha tawh cha ama yna khih chyu liata thlalôh kawpa ta khihsa a paryh ta, amâ tivy thei nawpa ta tiama kawpa hria awpa ypa maih hria ta, ama rairuna daihti liata VC nata refugee board nah lâ tlôkhei lymâ awpa ta a pasyu ei. Khataih tawh zy tlyma baona he cha a y tyh aw, cha baona ngâlâh cha ta khihsa tôhtu a tivyna hmeiseih a daih vei, chavâta palôh hnei kawpa nata tiama pata raihria hluh awpa ta a pasyu pâ hra ei. MADC E

 SIAHA, 18 Hmypi, 2022, Chutyhnoh - Atanoh dawh 11:23 AM khata Lôtai MCHP Zyhno vyuhpa ta Pihnô T.T. Sime, Silver Jubilee Managing Board Chairperson nata Pihnô T.T. Biakveli, Branch Secretary (MCHP) zy ta Puhpa N. Zakhai, CEM, MADC Hlichhy Shawl (poh ngiatlâh liata baipa) ama vaw pie (present).