Mara Missionary Bungalow

Mara Missionary Bungalow sa n’awpa su pahy haw

Atanoh târi 1.11.2017, Pakhynoh dawh 12:00 Noon liana kha ta Lakher Pioner Mission(LPM) Bungalow sa n’awpa su cha Rev. C. Thalai, Pensioner & Former Kraws Pheisaih ta pahypa ta Abeipa lâ thlahchhâpa ta hlâna a hnei haw.

Bungalow sa n’awpa O hmo he Siaha Tourist Lodge avaw daihpa liata ypa châ ta, Puhpa C. Simon O tawhta Puhpa TT. Khulua O pangaipa lâpi liata y ta, lâpi laikachha, lâpei aheihnaopa liata ypa a châ. Lâpi daih lâ liata Feet 40 hlei tlai akawhpa châ ta, laikachha lâ deikua feet 100 hlei tlai a kawhpa a châ.

Pahyna daihti liana he ta Lakher Pioner Mission Bungalow Construction Board member zy akipha kaw ei ta, târi 7 Phiapi, 2017, Hriaheinoh khi ta CEM’s Conference Hall, MADC liata Board nahzy meeting hnei aw ei ta, Bungalow sapathaona awpa chôchâh reina ama hnei aw.

Atanoh liana kha ta LPM Bungalow châta Bank Account pahypa cha mopasiana hneipa châ ta, Machâ Beimosa Azyu, Bethesda tawhta Rs.1,000/- baona daopa a châ.

Atanoh pyly kha ta Machâ V. Zacho, Treasurer ku liata Rs.500/- â vaw ngia hra. A pietuhpa he Moonlight Newspaper Editor Puhpa Jeffrey Khara a châ.

LPM Bungalow sana awpa châta MADC Officer nata Staff zy ta ama noh kha hlao pie chyu awpa ta bie ataih ei ta, Phiapi(November) thla hlao la daihti liata Department Cashier chyu tawhta noh kha hlao kâh awpa ta ryhraona tao hapa a châ hra. MADC Officer nata Staff zy nohkha hlao he Rs.27.00 lakhs(Rupee Twenty Seven Lakhs) chhaihchhyh a châ nahta hnabeiseihpa a châ.

Baona apie khohpa châta ary liata Bank Details palâsapa liata deposit/online transfer tao theipa a châ:-

Bank Name = State Bank of India

Account Number = 34098347731

Account Name = Treasurer, LPMBCB

Account Branch = Siaha

Branch Code = 005822

IFSC Code = ‎SBIN0005822‎

MICR Code = 796002511

Online tlyma, Bank liata deposit tlyma aryhpaoh leipa, baona pie thei awpazy cha Treasurer ku liata pangia awpa a châ aw.

Baona avaw pietuhpa zydua, Abeipa ta vâ opy zy pahypa ta byhnâ chapie lymâ mawh ei sy.

Sd/- V. Zacho
Treasurer
LPM Bungalow Construction Board
Siaha, Maraland