Lakher Pioneer Mission Bungalow Construction Board

Lakher Pioneer Mission Bungalow Construction Board
Siaha, Maraland

*“MARA ZAWPI HNOH TA AHAWNA”*

Ngipâlâhpa khongaitapa saih u,

Eima Beipa Zisu Krista moh ta anaohna eima cha hlâ.

Rev. R.A. Lorrain nata a lâhpinô hriapasana liata Abeipa ta byhnâ pie ta, Marapa râh liata “Pachhana Thâtihpha” cha phuahpa a vaw châ haw. Ama thâtihpha vawtlôkheipa cha keimo Marapazy pi ta sapa nata thlahpa liata azawh azituhpazy eima châ. Thâtihpha vâta Reih, Râh & Ryureina(R.R.R.) hnei pi ta, zohna tawhta khaihna maniah tlôkheituhpa cha “Kyhpachâna Thâtihpha” he a châ. Eima Missionary hnôh chaipa Rev. Violet Anne Mark(Freddie Nô) chhao April 16, 2018 pa ta kô 82 a kaw châ ha hra aw. He hawh ta a châ no ta eima khihpi Siaha lia deikua pahrâna awpa O hnei vei.

Eima Siaha khihpi liata O chhao hnei leipa ta Paradise maniah a pangaisai awpa he Marapa ta a pasai ngâsâ leipa vâta, eima Missionary hnôh chaipa pahrâna awpa ta Siaha liata O sa achhuahpa a châ. Abuakhei awpa ta târi 22 July, 2014 pa ta Lakher Pioneer Mission Bungalow Construction Board(LPMBCB) paduapa a châ. Noh khaihpa ry liata chareipa, Marapazy pi ta Khazohpa nata eima Missionary nahzy chô liata eimâ lyna palâsana châta Rev. Violet Anne Mark ta khizaw a puasai hlâta â pahâna awpa O sapa awpa he eimâ bâhpa ta â lâ. Chavâta ahluh nata achyh y leipa ta, eima theina zydua papuapa ta he O sana awpa ta thyu chyu awpa ta Mara zawpi zy eimâ haw chaimâh.

He ary liata State Bank of India (SBI) Account Nahbaw palâsapa liana he ta eima Missionary hnôh chaipa Rev.Violet Anne Mark O sana awpa châta baona â pie thei lymâ. Chakaona hawh ta pachâpa ta Abeipa ta byhnâ a cha piepa hluhpi tawh ta Missionary O sana awpa châta pasaih kawpa ta navaw thyu hra awpa ta Abeipa moh ta eimâ châ haw hmeiseih.

*Bank Name* = State Bank of India
*Account Number* = 34098347731
*Account Name* = Treasurer, LPMBCB
*Account Branch* = Siaha
*Branch Code* = 005822
*IFSC Code* = ‎SBIN0005822‎
*MICR Code* = 796002511

Abeipa ta vâ opy zy pahypa ta byhnâ chapie lymâ mawh sy.

Sd/- MH. Tiabi
Chairman

Sd/- Vabeikhaihmo Solo
Secretary

Sd/- V. Zacho
Treasurer

Lakher Pioneer Mission Bungalow Construction Board
Siaha, Maraland.