ECM Headquarters: General & Mission News

(24 Thlarâh, 2017, Abeipanoh)

1. Rev. Thylua Hlychho, Moderator

Aizawl Mara Church tly awpa ta nata târi 21 Thlarâh, 2017 pa ta Mizoram People’s Forum  General Annual Meeting liata ahlao pâ awpa ta Aizawl lâ a sie.

2.  Rev. T. Salaw, Executive Secretary i/c Mission

(i) Chakma Field tly awpa ta sie ta, date 21 Thlarâh, 2017, Pobienoh kha ta a palâh kawpa ta Siaha a vaw tlô ha heih.

(ii) Rev. T. Salaw tawhta bie daopa hawh ta Thâtihpha tlônoh, târi 26 Thlarâh, 2017 ta bie achu awpa he Mission lâ tawhta taopa châ leipa aw ta, Apahrana bu lia tahpa kha Awnanopa tota achu chyu awpa a châ aw.

(iii) Târi 23 Thlarâh, 2017, Pachynoh kha ta Chakhei Pastor Bia liata Râhzohpa Byh siekheipa khawna Siata Local Church Programme hmâ awpa ta a sie. Chakhei Bia liata Râhzohpa Siepapuana tawhta sôh atlohpakhypa cha Rs.16 Lakhs hlei achâpa ta biedaopa a châ.

3. Rev. Dr. S.T. Zawsi, Executive Secretary i/c Education

(i). Târi 19 September, 2017, Hriaheinoh kha ta Centenary Building, New Siaha lâta apahrâna O â pasie.

(ii). Atamy târi 24 September, 2017, Abeipanoh kha ta Rev. Prem Kharki, Faith Church of Nepal cha New Colony Local Church liata My Service liata â pakhy khei aw.

4. KTP Headquarters News:

(i). Târi noh 15th tawhta Maraland Theological College (MTC) lâthlôh boulder lô phawpa ta, daihti rairuahpa hawh chyu ta ECM KTP Siaha Town Branch zy ta tlârai ama hria. He liata ECM KTP Headquarters ta Branch zy chô liata alynabie ama reih hmeiseih.

(ii). Machâ H. Zacho (L) ECM KTP Founder President (1st President) châbu a ropa ‘Zâ zohna tawhta Khihdei Rônahpa” tahpa châbu pha kawpa cha moto châta rei thei awpa ta palâhpa a vaw châ. He liata ECM KTP Headquarters ta Rs. 5,000/- ta amâ châkhei hra.

5. MISSION NEWS

(1). ARUNACHAL:

All Arunachal Baptist Council Women Department (ABCCWD) pakhypi, date 8-11 Thlarâh, 2017 chhôh khata hnei khai hapa a châ. Eima Mission Field nôpy tawh chhaota sie hra ei ta, aly kawpa ta daihti ama hmâh tahpa bie eima dao. He daihti lia heta Association tozy ta ama hmotaopa chyuzy cha thyupakhypa ta lilâh ei ta, hmo ama lilâhna tawhta sôh ama hmôpa zydua he Rs. 85,000 tlai a tloh hra.

(2). TRIPURA:

(i).  Atahmâ nota Bâti pachâsapa zie cha 3 ama châ. Pastor V. Vabeiha ta Bâti a pachasâpazy cha 2 (nôvah) châ ei ta, Pastor L. Khaily ta pakha (1) a pacâasa hra. Ama zydua ta 3 Bâti pachâsapa ama châ.

(ii). Date 19-20, September, 2017 pa khata TBCU Union Executive Committee Meeting hneipa a châ./ Date 19- 20 September, 2017 khan TBCU Union Executive Committee Meeting neih a ni.

(iii). Tripura Sawkhâ ta Thlazoh thla tawhta 6th Pay hmâ a chhuah ta, chavâta atahmâ taihta sawkhâ ta hlao rai thei mâh leipa ta, Awnanopa lâ chhao rairuna a y. He vâta Awnanopa lâ chhao hlao papôh awpa a byuh bâ awpa vâta chhithatuhpazy ama nôpo paru kaw.

(iv). Atahmâ thla, Thlarâh 2017 he Tripura râh Awnanopazy cha ‘Self Denial and Harvest Week’ zy hmâkheipa ta, eima Missionary nahzy ama hriapasa ngâsa sai. Awnanopazy amâ ly kaw hra.

6. GRACE CHILDREN HOME:

(i). Târi 20 Thlarâh, 2017 khata Nawh hâ (Baby Sitting) dâh Training Grace Children Home liata hneipa a châ. District Mental Health lâ tawhta Resource person, Pihnô Merilin ta Power point presentation hneipa ta he Training a hlaokhei ta, thapha kawpa ta daihti hmâpa a châ.

(ii) Târi 21 Thlarâh,2017 khata Mrs. HepawHlychho, CDPO, Social Welfare Department chata Seminar a hneikhei hra.

7. HINDI CHRISTIAN FELLOWSHIP:

Târi 10- 12 Phiapi, 2017 heta Hindi Christian Fellowship zy chata Laki khih liata Convention ama hnei aw. Convention châ heta hmo peimawhpa tao awpa hluhpi y ta, apalâh kawpa ta he Convention he ahmâpa a châ thei n’awpa ta Awnanopazy ta thlahchhâkhei ei suh vy.

8. MARA BIEHRAI THIEHPA MOHPATHI (REVISED) AWPA TA AMA HRUA: 

Târi 15 Thlarâh, 2017 tawhta pathao awpa ta Mara Bible Translation lâta bao awpa ta Pihnô Lynn H. Ngôhei nata Pihnô C. Partei zy cha rao baichhipa ama châ.

9. Maraland Gospel Centenary(MGC) Hospital:

Târi 13 Thlarâh - 20th September, 2017 taihta report:

1. Tlâhleipa admit zie - 33
2. Tlâhleipa mopa zie  – 84
3. Hawsaih pihpa zie  – 1
4. X-Ray mopa zie  – 16
5. Ultrasound mopa zie  – 25
6. Endoscopy mopa zie  – 13
7. ECG mopa zie  – 4
8. Athipa  – 2

NB: MGC Hospital Staff-zy cha Date – 21-22 September, 2017 kha ta Evan. Reuben C. Beikypachâ ta Thlahpa lâta â patiah pathiena - Retreat hneikhei ei ta, Staff nahzy ta ama pasô ngai ta.

(Editor, KTP Ao, College Vaih. Source: Pihnô J. Lalvarliani, Coordinator i/c Communication, ECM Hqrs. Siaha.)