MSO (H) ta Siaha DEO thiehpa apakyhna hnei

*MSO (H) TA SIAHA DEO THIEHPA APAKYHNA HNEI*

11.Thlarâh, 2017: Atanoh zâlâ khata MSO (H) ta Pp..... DEO, Siaha cha Pp. T. Chatlua, Dy. DPC, RMSA room liata apakyhna ama hnei. Pp. Pawlremthanga, DEO, Siaha he Champhai liata y awpa hawhta pachâpa a châ nota Siaha lâta kaw ypa a châ.

He apakyhna lia hehe Pp. T.Chatlua ta biereina chyuta hnei ta, cha khai tawhta Lalremruata Khithie, Fin. Secy, MSO (H) ta chhithatuhpazy hmiapahnosana hnei hra,
Cha khai tawhta Pp. Pawlremthanga, DEO ta biereina hnei ta _Kei he pension daihmâpa ei châ vâta chyhsa hluhpi ta rai chhao hria pha khoh khao lei awpa hawhta pachâna na hnei ei ta, keima ta cha pension daihmâpa ei châ vâta ei hrochhô lôbô tao awpa he ei kho chaipa tlao a châ, Siaha he â hla kawpa vâta yziana kyh lia chhaota na ngiaroh kheipa ama hluh kaw, kei deikuala Siaha lia heta palôh hmeiseih ta y awpa ta ei pohty he pahniepa ei châ. DEO ta a tao theipa he hluh hra vei sala a tao thei awpa chi liata la District pha n'awpa ta tao lymâ hra awpa he ei chhuah chaipa a châ, cha hleikhô ta DEO ry liata Siku ypa zydua he tly papua khai awpa ei chhuah hra, tawhta keima deita hria awpa he rairuna hluhpi a y thei hrapa vâta nâmo MSO zy nahta chhao hriaparaoh ta â deichhy rairieh awpa ta ei cha hrua ei._ tahpa ta biereina a hnei.

Cha tawhta LD. Vabeihruasa, President MSO (H) ta biereina hnei hra ta, DEO thiehpa eima hneipa eimâ ly zie nata Marasaw châta byhnâ a châ zie rei ta, Achuhaipazy ta rairuna eimâ tyhpazy nata DEO ry liata Pachutuhpa post ruapa chôchâh zy reina hnei ta, Mararâh achuna kyh liata rairuna nano nanopa eimâ tyhpazy a tlôkhei hra.

Cha khai tawhta eima District nata Marasawzy châta Achuna kyh liata hmasie via thei n'awpa châta hmo peimawhpa nano nanopazy pachâ ta bielôhawpa reikhona hneipa châ ta, thopi dohkhonazy hneipa ta aly kawpa â pathliepa a châ.

*Issued by -*
*Mara Students' Organisation Gen. Hqrs: Siaha*.