Mara Idol 2017

*Mara Idol Organising Board meeting hnei*

_(SIAHA, 10 Thlarâh, 2017, Pahânoh)_

Atanoh zâlâ dawh 2:00 PM liana kha ta Pihnô Nakho Solo(W/o Puhpa K. Chhuabei, EM, MADC) pahrâna O liata Mara Idol Organising Board(MIOB) meeting hneipa châ ta, atakô Mara Idol tao awpa chôchâh liata ahniahnipazy reina hneipa a châ.

Meeting he MIOB Vice Chairman Pihnô Nakho Solo chhihthana ry liata hneipa a châ.

Biepathlupa nata Pahno awpa peimawhpa thokhazy ary liata palâsapa a châ:-

1. Târi 12 Thlarâh, 2017, Hriaheinoh tawhta Mara Idol 2017 Registration Form rai papuapa a châ aw. Ary liata palâsapa su liazy ta Form he la theipa a châ aw:-

(i). NSV Building, New Colony, Siaha.

(ii). MSO General Headquarters Office, New Colony, Siaha.

(iii). MTP General Headquarters Office, Council Vaih, Siaha.

(iv). MTP Branch: College Vaih Office, AOC Square, Siaha.

(v). MHP General Headquarters Office, New Colony, Siaha.

2. Registration Form he Rs.10/- ta chalei awpa châ aw ta, pabie khaipa tawhta ary liata palâsapa suzy liata, târi 17 Phiahta, 2017,  Hriaheinoh zâlâ dawh 5:00 PM hlâta pangia awpa a châ aw.

(i). MHP General Headquarters Office, New Colony, Siaha.

(ii). NSV Building, New Colony, Siaha.

3. Idol Contest awpazy cha kô 15 – 35 uhtheipa ama châ awpa a châ.

4. Târi 18 Phiata, 2017, dawh 1:00 PM pa ta MTP Hall, New Colony, Siaha liata Idol Contestant zydua nata MIOB member zy apakyhpakhyna hneipa a châ aw.

5. Contestant zy cha Rules & Regulations asianô kawpa ta ama rei papua khai tawhta Registration Form liata ama moh amâ sign awpa a châ aw.

6. Mara Idol 2017 châta Theme Song, Mara hla hneipa a châ aw. Hla awpa cha ahyrai, akhohpa maih ta ataopasua aw ei ta, târi 10 Phiata, 2017 noh taihta MHP Office liata pangia theipa a châ aw.

(i). Theme Song châta Biepipa cha “Mara reih palaiseihsana” atlypa a châ. Hla phituhpazy ta Mara reih avaw laiseih viana awpa lâchhâh aheipa ta ama phi awpa a châ aw.

(ii). Hla avaw ngiapazy cha athlipasohna hneipa châ aw ta, sâkha dei atlypa a châ aw. Sâkhana châ ngâlâh lymâ pha awpa taopa a châ aw.

7. Technical lâ rairuna a y lei khia Top-5 tawhta Mara zawpizy ta SMS ta vote thei awpa ta patoh patia achhuahpa a châ hra.

8. Târi 19 Phiata, 2017, Pobieh zâ liata Opening Ceremony hneipa châ aw ta, târi 21 October, 2017 zâ liata Audition Round pathaopa a châ aw.

9. MHP General Headquarters paryhsana hawh ta Mara Idol 2017 lymâ awpa cha he hawh ta a châ aw:-

(i). First Prize = Rs.1,00,000/- (Rupees One Lakh).

(ii). Second Prize = Rs.75,000/- (Rupees Seventy Five Thousand).

(iii). Third Prize = Rs.50,000/- (Rupees Fifty Thousand).

10. Mara reih ngâlâh hmâ pasaipa a châ aw.

11. Mara Idol 2017 he Live Telecast ta piepapuapa a châ aw.

Mara Hlasa Py General Headquarters: Siaha paryhsapa hawhta atakô liata Idol ataopasuana châta cha Maraland Idol tahpa kha paso chypa ta *Mara Idol* tahpa ta taopa a châ aw.

With inputs from Beirokhu Beita via Deiva Media group WhatsApp.