ECM Headquarters - General & Mission News

ECM Headquarters: General & Mission News

(Dated: 10 September, 2017, Sunday)

1. Moderator: 

Rev. Thylua Hlychho, Moderator cha atanoh târi 10 Thlarâh, 2017, Abeipanoh he ta Shalom Local Church liata Missionary tuapapuana Programme hmâna lia â hlao aw.

2. Senior Executive Secretary:

Rev. Dr. Laiu Fachhai, Senior Executive Secretary, ECM cha Machâ MC. Pabei nata VB. Mokhaizy chhao ta Jorhat lâ Bible Translation Training & Seminar Program hmâhpa ta châh ngâh chy ta, târi 11 Thlarâh, 2017 noh ta Siaha lâ â vaw lie hmâ awpa ta hnabeiseihpa a châ.

3. Executive Secretary (Mission):

(i). Rev.T.Salaw, Executive Secretary (Mission) cha atanoh târi 10 Thlarâh, 2017 he ta Shalom Local Church liata Missionary tuapapuana Programme a chhihtha aw.

(ii). Chakma Mission Field lâta tilaipa â sy mâh lei vâta hâta heihpa lâta Mission Secretary zy sie awpa âma chhuahpa chhao ama pasie ha heih chy.

4. Executive Secretary (Education):

(1). Rev. Dr. S.T.Zawsi ES (Education) cha târi 6 Thlarâh, 2017 kha ta "Publication Board" Meeting a hneikhei ei.

(2). Atanoh târi 10 Thlarâh, 2017 he ta El-Bethel, Tisi Local liata atakô 2017 liata ECM Target zydua patlô tua chaipa ama châna lykheina program a hmâkhei aw. ECM Choir chhao, ano zipa ta ama sie hra.

5. General News:

1). Tuapapuana apakhyna hnei aw:  Atanoh târi 10 Thlarâh, 2017, Abeipanoh heta ECM Assembly Program; Missionary tuapapuna Program cha Shalom Local Church liata hneipa a châ aw. Tuapapua awpazy nata chakaona awpa Mission Field zy:-

(i) Rev. L. Lychhua – Mishing Field Director,

(ii) Rev. Henry C. Lalenkawla – Nepal Field Director,   

(iii) Rev. KP. Azyu – Chakma Field Director.

2). Special Assembly: ECM Assembly chata bie peimawhpa nata chatliepa pachâ awpa abyuhpa vâta târi 5 Phiata, 2017 khita New Colony Local Church liata Special Assembly Executive Committee Meeting, hnei awpa ta awna châ a papua.

3). Razohpa byh pangiana:  Râzohpa byh 2017 siepapuakheipa cha Bia thokhazy ta patlô ha ei ta, Laty Bia, Chapi Bia, Amôtlâh Bia zy ta Headquarters lâ ama vaw pangia ha. Siepapuana apatlô hapa bia hropazy chhao ECM Headquarters: Mission Department lâ thlai ta pangia lymâ awpa ta ahawpa eima châ.

4) Taokheina hnei:  Târi 6 Thlarâh, 2017 kha ta Machâ Zakhu Hlychho, Bazar cha Stoke vâta eimâ chhaih haw. Ari he târi 7 Thlarâh, 2017 khata Aizawl tawhta a pahrâna O, Siaha lâ kaw thlôkheipa châ ta, ECM Assembly nôpawpazy nata Church Officer zy chhao ta ari he Kaochao taihta ama za dy hra.

ECM Staff zy vyuhpa ta Rev. Dr. S.T. Zawsi nata Mission Department vyuhpa ta Rev. T. Salaw zy ta a ri chô liata Pawpi ama soh hra. ECM châta chyhsa phahnai angiah kawpa nata hmia achhihtuhpa hry lia tahpa Machâ Zakhu Hlyccho ta a siesaipa a lahpinô nata sawzy, chhôhkhazy taokhei ngaita kaw pi ta, Abeipa ypâna nata thlahpalôhna ama to lymâ thei n’awpa ta Awnanopazy ta thlahchhâkhei lymâ ei suh u.

6.  Mishing Mission Field News:

(1). Târi 3 September, 2017, Abeipanoh kha ta eima Mission Pastor C. Khaisa nôvah pathliena program, Saroh Awnanopazy ta ama hnei.

(2). Târi 5 September, 2017 pa ta Holy Grace School liata Teachers’ Day ahmâpa châ ta, Mission Pastor C. Khaisa cha Khichhai laipa a châ.

(3). Târi 4 September, 2017 liana kha ta Missionary nata Local Evangelist zy ta Mission Pastor C. Khaisa pathliena ama hnei hra.

(4). Târi 7 September, 2017 kha ta ama hmobaoh peimawh viapa zydua cha ama y n’awpa khih Bokakhat liata sopa a cha ha bâ hra.

(5). Kat Chapori (Majuli Island) liata eima ngiapâlâhpa, nôhrâhpa kô 60 pa cha Cancer pasana vâta maniah â pahâsai haw.

(6). January to August, 2017 taihta ngiapâ thiehpa Bâtipa zydua cha manôh 81 ama châ.

(7). Mission Pastor C. Khaisa nôvah cha  tari 7 September, 2017 pa ta Pastor C. Khaisa unawhpa C. Khaimei, Chakhei ta â vaw pahâsaipa vâta hmialâ hâta liata thlâ vaih awpa ta ama khih, Chakhei lâ akhy awpa amâ chhuah. Awnanopazy ta thlachhâkhei suh vy.

7. MGC Hospital Report: 

Târi 30 August tawhta 7 September, 2017 taihta MGC Hospital report tlâhpipa cha ary liata palâsapa a châ:

(1). Tlâhleipa admit zie   – 30
(2). Tlâhleipa mopa zie   – 80
(3). X- ray mopa zie  – 26
(4). Ultrasound mopa zie  – 33
(5). Endoscopy mopa zie - 16
(6). ECG mopa zie   – 8
(7). Athipa  - 1

_(Edited by Admin, MNN. Source: Pihnô J. Lalvarliani.)